|
Karim Soliman

افكار تسويقية في عيدالام هتساعدك توصل لشريحة عملاء جديدة

افكار تسويقية في عيد الام هتساعدك توصل لشريحة عملاء جديدة:

 

1.  بيع منتجات مناسبة تتقدم هدية:

منتج الهدية هو المنتج الرائج في اي مناسبة اجتماعية و عشان كدا بيكون له النصيب الاكبر في المبيعات و بالتالي لازم تهتم بكونك بتقدم هدية بخلاف انك بتقدم منتج له مواصفاته الخاصة و دا بيتم عن طريق التركيز على بعض المنتجات صغيرة و متوسطة الحجم و اللي شكلها لطيف و لها اداء وظيفي عملي يستفاد بيها المستخدم بشكل مباشر.

 

2.  اهتم بالتوصيل المجاني على العروض الكبيرة:

فكرة انك توصل منتجاتك بشكل مجاني لعملائك هي احد الحلول التسويقية عشان تشد عملاء جداد لكن لازم تخطط لها بشكل سليم و هي انك تضيف عرض التوصيل المجاني على العروض اللي تأثر معاك بهامش ربح جيد و بالتالي هتفيد عملائك لانه مش هيتحمل تكاليف شحن اكتر من طلبو في نفس الوقت هتجذب عملاء جدد و كمان هتكسب بهامش ربح جيد.

 

3.  استخدم برومو كود و اعلن عنه مع رواد منصات التواصل الاجتماعي:

من نفس المنظور التسويقي يظل انشاء برومو كود من خلال انفلونسر يعرضلك شغلك هو احد الحلول التسويقية الاكثر فعالية حالياً في التجارة الالكترونية لانه هيساعدك تجذب عملاء اكتر بس خلي بالك انك لازم تعمل عرض البرومو كود على منتج انت فعلا محتاج تخلصه منمخزنك و عندك منه كميات كافية و عامل حسابك انك هتكسب منه هامش ربح بسيط.

 

4.  استخدم منتجات ليها علاقة بالحدث:

و عشان احنا بنتكلم عن يوم عالمي و هو عيد الام المعروف في اول ايام الربيع 21 مارس لازم تهتم بوجود منتجات مهمة لكل ست بيت و بالتالي

اختيارك لمنتجات معينة متماشية مع الحدث هي أمر الزامي و ليس اختياري في انك تعمل تسويق صحو تحقق منه ربح .

5.  استخدام عبارات جذابة في المحتوى:

يظل المحتوى هو ملك اللعبة في عملية التسويق الالكتروني, و نوع الاعياد دي المرتبطة باعياد اجتماعية كل ما كانت تعبيراتك في محتواك تعبيرات عاطفية و لها تأثير نفسي واجتماعي كل ما كانت جذابه و من الاخطاء الشائعة في عيد الام انك تكتب (عيد أمسعيد) و دا بيوضح قد ايه المحتوى جاف لا يحمل اي كلمات تعبيرية او يوصل معنى عاطفي لعملائك

و بالتالي انت مضطر تستبدلها بكلامات اخرى زي : (عيد أجمل من كل اللي فات على ست الحبايب –أو , عيد أغلى و أحن أم – أو كل يوم و انتي أحلى عيد يا ماما) و بكدا هتقدر تقدم محتوى لطيف له بٌعد و تأثير نفسي ايجابي على عميلك يخليه عاوز يقدم هدية حقيقية وهو سعيد ..

 

تابعونا وأعرف أفكار اكتر عن ازاي تطور متجرك الالكتروني بإحترافية

 

#عيد_الام #طور _اعمالك #التجارة #الالكترونية

You can see also ...

Is your e-commerce business ready for Ramadan?

We’re only a few hours away from the holy month of Ramadan, where everything somewhat changes - people’s behavior and attitude, daily routine, sleeping schedule and working hours.

The opportunities and challenges facing e-commerce in the current climate

VOO shares what they believe the opportunities and challenges facing the e-commerce world are and how they will have to adapt to the current COVID-19 situation.

أشهر 5 طرق الدفع الإلكترونى فى 2021

تطورت التجارة الإلكترونية بشكل كبير ولذلك نتج عنها تعدد طرق الدفع الإلكترونى لمواكبة وإرضاء التجار والمستخدمين. اننا فى فوو نهتم لكل ما يساعد أصحاب المشاريع على تحقيق أفضل النتائج والوصول بعملهم إلى النجاح,قررنا مشاركتكم فى السطور القادمة أهم النقاط التى نحتاج إلى معرفتها فيما يخص طرق الدفع الإلكترونى. ولأننا شركة شحن تعمل على إيصال منتجك للعميل نحن على دراية تامة بالتحديات والمشاكل التى تواجهها عند الدفع والاستلام ونحاول دائما تسهيل العملية عليك.